Министерот за правда, д-р Никола Тупанчески попладнево оствари средба со Основниот јавен обвинител, Габрил Бубевски.
Законот за кривична постапка и Кривичниот законик беа една од темите на дискусија на денешната средба. Министерот истакна дека во Министерството за правда се формирани работни групи кои работат на овие две законски решенија и очекува дека до крајот на
годината истите ќе бидат доставени во Собраниска процедура.
Министерот потенцираше дека во иднина ќе се остварат и средби од координативен карактер со Државната комисија за спречување на корупција со цел решавање на одредени прашања и дилеми кои се од големо значење за работењето на Основното јавно обвинителство.