Министерот за правда, д-р Никола Тупанчески денес оствари средба со заменик амбасадорот на Сојузна Република Германија во Македонија, Ото Граф и регионалниот проектен раководител при Германската фондација за меѓународна правна соработка, Штефан Пирнер.
На средбата се разговараше за можностите за проширување на соработката со Сојузна Република Германија при размена на академски и практични искуства за голем број законски решенија особено во делот на правната рамка која го опфаќа инструментот конфискација.
Министерот извести дека реформските процеси се одвиваат со забрзано темпо и дека Законодавната агенда е заокружена со сет закони кои што се наоѓаат во Собраниска процедура.
Поддршката што ИРЗ ја дава при имплементација на разни проекти, иницијативи за соработка, публикации, одржување и присуство на настани и состаноци со посебен фокус на правните случувања се од исклучително значење за зголемување на ефикасноста на нашиот правосуден систем во целина.