Министерот за правда, Игор Филков, оствари работна средба со амбасадорката на Грција во нашата земја, Софија Филипид, на која се дискутираше за одличната билатерална соработка која ја имаме во изминатиот период во различни области.
Се разговараше за реформите во правосудството , владеењето на правото, како и соработката на Академиите за судии и јавни обвинители на двете држави што ќе биде од големо значење за приближување на нашето, со европското законодавство.
Грција ги подржува европските аспирации на Република Северна Македонија и е подготвена да обезбедат стручна помош за олеснување на процесот преку организирање на работилници, официјални посети и средби на експертско ниво.
Очекувањата се во насока да се интензивираат напорите за целосно и доследно спроведување на Договорот од Преспа од страна на двете држави.