Студентите, предводени од деканот на Факултетот, Сејдефа Џафче и проф.др Татјана Ашталкоска Балоска беа пречекани од министерот за правда Игор Филков при што се запознаа со начинот на работа на Министерството за правда и со предизвиците со кои се соочува.
Министерот изрази задоволство од интересот на младите за правните прашања и истакна дека нивната активна вклученост и ентузијазам се клучни за иднината на правосудниот систем и општеството во целина.
Студентите се сретнаа и со заменик на министерот за правда, Ален Дерабан како и со вработените во Министерството .
Посетата на студентите е во рамките на Меморандумот за соработка кој го склучија двете институции со кој се обврзаа заеднички да дејствуваат и соработуваат за стекнување на практични знаења на студентите.