Министерот за правда Јетон Шасивари денеска во Владата учествуваше на работен состанок посветен на спроведувањето на Реформската агенда и напредокот во процесот на европска интеграција

На состанокот, на кој преку онлајн обраќање се вклучи и директорот на Генералниот директорат на Европската комисија за проширување и источно соседство, Герт Јан Копман, беа разгледани досегашните резултати, идните активности и потребата од понатамошна институционална координација во реализацијата на реформските приоритети.
Министерството за правда останува активно вклучено во реформските процеси, насочени кон унапредување на владеењето на правото, зајакнување на институциите и создавање поефикасен правосуден систем во согласност со европските стандарди.