Новото законско решение претставува еден од клучните реформски чекори за модернизација на судскиот систем. Целта е да се создаде поефикасно, понезависно и поодговорно судство, преку подобра организација на судската мрежа, зајакнување на независноста на судиите и унапредување на механизмите за судиска одговорност.
Најзначајни новини:
- Се предлага оптимизација на судската мрежа преку реорганизација на основните судови и поефикасно организирање на апелационите судови, со цел рамномерна распределба на предметите, намалување на заостанатите предмети и побрз пристап до правда за граѓаните;
- Се воведуваат нови законски гаранции за заштита на независноста на судството преку механизми за спречување на недозволено влијание врз судиите при вршењето на судиската функција;
- Се воспоставува појасен, потранспарентен и пообјективен систем за утврдување на судиската одговорност и спроведување на дисциплинските постапки, во согласност со европските стандарди;
- Се создаваат услови за поефикасно функционирање на судскиот систем и поцелосно остварување на правото на правично судење.
Со овие реформи се зајакнуваат владеењето на правото, независноста и ефикасноста на судството, а истовремено се придонесува кон враќање на довербата на граѓаните во правосудниот систем и исполнување на европските стандарди во областа на правосудството.