Регионална соработка со Црна Гора за напредок кон ЕУ

Министерот за правда Игор Филков оствари средба со амбасадорот на Црна Гора во земјава, Зоран Миљаниќ.
Во фокусот на разговорите беа реформската агенда, размената на искуства и интензивирањето на соработката во рамките на евроинтегративните процеси.
Двете страни ја потврдија заедничката определба за зајакнување на владеењето на правото  , унапредување на правосудниот систем и споделување на најдобрите практики на патот кон полноправно членство во Европската Унија.
Соработката со Црна Гора претставува значаен чекор во исполнувањето на реформските приоритети и остварувањето на стратешката цел – целосна интеграција во Европската Унија