Соопштение - завршува процесот на изготвувањето на кодификацијата на граѓанското законодавство

Почитувани,

Mинистерството за правда ja информира јавноста дека пристапи кон завршување на  процесот на изготвувањето на кодификацијата на граѓанското законодавство. По повеќе од деценија, а водејќи исклучително сложен и обемен процес Министерството за правда  во оваа завршна фаза ќе спроведе постапка за водење на стручни јавни расправи за Граѓанскиот законик со цел да се презентира концептот, но и да се слушнат коментари и идеи кои би придонеле за подобрување на истиот.

Граѓанскиот законик претставува целина од пет сегменти на современи и харамонизирани решенија во повеќе области, кои ќе дадат значителен придонес кон обезбедување на пристапот до правда и правната сигурност на граѓаните.