Предлог-законот за парничната постапка помина на прво читање на Комисијата за европски прашања

Станува збор за еден од најзначајните реформски закони во областа на правосудството, кој има за цел модернизација на парничната постапка, зголемување на ефикасноста на судовите и зајакнување на правната сигурност за граѓаните. 🇲🇰
Решенијата во Предлог-законот се насочени кон:
• поефикасно и поквалитетно водење на судските постапки;
• поголема улога на судот во утврдувањето на фактичката состојба, вклучително и можност за вештачење и увид по службена должност;
• целосна дигитализација преку електронска достава и можност за одржување расправи по електронски пат; 
• забрзување на постапките во спорови од мала вредност;
• попропорционални и пофер глоби во постапките;
• воведување претставнички тужби за заштита на колективните интереси и права, како нов механизам за подобар пристап до правда. 
Решенијата се усогласени со повеќе системски закони, со цел да се обезбеди правна кохерентност и современ, функционален правосуден систем.
Министерството за правда останува посветено на реформите што носат ефикасно судство, владеење на правото и поголема доверба на граѓаните во институциите.