Pyetjet më të shpeshta

1. vendim ekzekutiv gjyqësor dhe  ujdi  gjyqësor;
2. vendim ekzekutiv dhe ujdi në  procedurë  administrative, nëse emërtohen  për  përmbushjen e obligimit  në të holla;
3. dokument ekzekutiv noterial;
4. konkluzion i përmbaruesit  për vërtetimin e shpenzimeve  të përmbarimit;
5. aktvendim për lëshimin e urdhrit pagesor noterial, dhe
6. Dokument tjetër i cili me ligj është i paraparë si dokument përmbarues.

Dokumentet përmbaruese  në pajtim me Ligjin për përmbarim, i ekzekuton  përmbaruesi i cili emërohet për rajonin e gjykatës themelore dhe ekzekuton dokumente përmbaruese të gjykatës, noterit ose organit selia e të cilit  është në rajonin  për të cilin është emëruar, ndërsa gjatë zbatimit përmbarimit ndërmerr veprime  në të gjithë territorin e Republikës së Maqedonisë.

Kundërshtim kundër veprimit përmbarues  të përmbaruesit mund të dorëzojë  pala, pjesëmarrësi ose personi i tretë, i cili konsideron se përmbaruesi gjatë përmbarimit  ka vepruar  në mënyrë të kundërligjshme ose nuk ka ndërmarrë një veprim të caktuar  ligjor. 

Kundërshtimi i arsyetuar, i argumentuar dhe i mbështetur  me prova përkatëse, në numër të mjaftueshëm të kopjeve, dorëzohet në afat prej 3 ditësh pas ditës kur është zbuluar veprimi i kundërligjshëm, gjegjësisht kur është zbuluar se nuk është ndërmarrë veprim, por jo më vonë se tre muaj pas ndërmarrjes së veprimit të kundërligjshëm, gjegjësisht veprimit jo të ndërmarrë, në gjykatën  themelore, në rajonin e të cilit është kryer  përmbarimi ose  një pjesë e tij.

 Gjykata me aktvendimin, me të cilin e miraton kundërshtimin, i  vërteton kundërligjshmëritë e  kryera dhe i vë  jashtë fuqisë veprimet e ndërmarra përmbaruese,  ose e konstaton  lëshimin e ndërmarrjes së një veprimi   të caktuar ligjor. Gjykata me këtë aktvendim, nuk mund ta ndërpresë  përmbarimin,  e as  ta detyrojë përmbaruesin të ndërmerr veprime përmbaruese

 Kundër aktvendimit të gjykatës themelore me të cilin  ka vendosur lidhur me kundërshtimin, pala, pjesëmarrësi ose personi i tretë dhe përmbaruesi, ka të drejtë të dorëzojë ankesë në Gjykatën e Apelit, në rajonin e të cilit  gjendet gjykata themelore. Ankesa dorëzohet  përmes gjykatës themelore i cili e ka nxjerrë aktvendimin në afat prej  tre ditësh pas pranimit  të aktvendimit.

1. Të ardhurat në bazë të  mirëmbajtjes  ligjore, kompensimi i dëmit i kryer për shkak të dëmtimit të shëndetit ose zvogëlimi, gjegjësisht  humbja e aftësisë për punë ose kompensimi  i dëmit  për mirëmbajtje të humbur  për shkak të vdekjes së dhënësit të mirëmbajtjes;
2. Të ardhurat në bazë të  kompensimit për shkak të dëmtimit trupor sipas  rregulloreve  për sigurim invalidor;
3. Të ardhurat në bazë të të drejtave për ndihmë në të holla nga mbrojtja sociale;
4. Të ardhurat  në bazë të  papunësisë së përkohshme;
5. Të ardhurat  në bazë të  shtesave për fëmijë;
6. Të ardhurat  në bazë të bursës, kredisë dhe ndihmës së nxënësve ose studentëve;
7. Të ardhurat e kadetëve  të Akademisë Ushtarake;
8. Kompensimi për punë i të dënuarit  në institucionin ndëshkues-korrektues, përveç për kërkesë mbi bazë të  mirëmbajtjes ligjore, si dhe për kërkesës për kompensim të  dëmit të shkaktuar me vepër penale të dënuarit;
9.  Të ardhurat  mbi bazë të  shpenzimeve rrugore, dhe
10. Mjete  në llogarinë e posaçme të cilën e posedon përmbaruesi

Përmbarimi në pagë ose pension si dhe mbi kompensim  në vend të pagës  mundet të kryhet deri në shumën  e gjysmës ose një të tretës  së pagës ose pensionit, në pajtim me Ligjin  për përmbarim.

Ndërmjetësim është çdo ndërmjetësim, pavarësisht nga emri i tij, gjatë zgjidhjes së marrëdhënies kontestuese në një procedurë ndërmjetësimi, në të cilën palëve në marrëdhënien kontestuese u mundësohet ta zgjidhin atë përmes negociatave, në mënyrë paqësore me ndihmën e një ose më shumë ndërmjetësuesve të licencuar, me qëllim që të arrihet një zgjidhje e pranueshme reciprokisht e shprehur në formën e një marrëveshjeje me shkrim.

Ndërmjetësues mund të  bëhet  person i aftë për punë  i cili posedon licencë për kryerjen e çështjeve të ndërmjetësimit.

Lista e ndërmjetësve të licencuar  është publikuar në ueb faqen e Ministrisë së  Drejtësisë.

Provimi për ndërmjetës  paraqitet  nga data 1 deri më datë 15 në muajt janar, mars, prill, maj dhe tetor, ndërsa  provimi mbahet  në shkurt, prill, maj, qershor  dhe nëntor

Noteri vërteton se pala në prani të tij e ka nënshkruar dokumentin me dorën e tij, ose ka vënë shenjën me dorë të vet, ose e ka njohur nënshkrimin, gjegjësisht shenjën me dorë në shkresën si të tijën. Gjatë verifikimit të nënshkrimit ose shenjës me dorë, noteri është i detyruar ta njoftojë palën se vërtetohet vetëm nënshkrimi, por jo edhe përmbajtja e dokumentit.

Orari i punës së zyrave noteriale është prej orës 8:30 – 16:30. Pas kërkesës me shkrim  së palës, kur për të njëjtën ka shkaqe të arsyetuara, noteri  ndërmerr veprim zyrtar dhe gjatë ditëve të punës nga ora 16:30 deri në ora 18:30, edhe gjatë ditëve kur nuk punohet, në marrëveshje me palën

Propozim për lëshimin e aktvendimit  për  urdhër pagesor noterial mbi bazë të dokumentit të besueshëm  i dorëzohet noterit në rajonin e të cilit gjendet vendbanimi, gjegjësisht vendqëndrimi i debitorit-personit fizik, gjegjësisht  debitorit-personit juridik.