Me miratimin e LIgj I qasjes në ueb faqet dhe aplikacionet mobile të institucioneve të sektorit publik (i publikuar në Gazetën Zyrtare nr. 198 më 18.10.2025), sipas Nenit 6, çdo institucion duhet të publikojë një faqe për Deklaratën e Qasshmërisë, detajet e së cilës janë dhënë më poshtë në nenin(et) përkatës(e).
Kushtet dhe afatet e përgjithshme për aksesueshmërinë e faqeve të internetit dhe aplikacioneve mobile
Neni 5
(1) Për të siguruar qasje në faqet e internetit dhe aplikacionet mobile, institucionet e sektorit publik janë të detyruara të përmbushin kushtet e përgjithshme të mëposhtme:
- përmbajtja e faqeve të internetit dhe aplikacioneve mobile mund të perceptohet dhe kuptohet përmes të paktën dy shqisave të ndryshme (për shembull, shikimit dhe/ose dëgjimit), duke mos u varur ekskluzivisht nga njëra shqisë; - të gjithë elementët interaktivë në faqet e internetit dhe aplikacionet mobile janë të përdorshëm pavarësisht nga metoda e përdorimit (duke përfshirë tastierën, kontrollin zanor ose pajisjet ndihmëse); - funksioni dhe kuptimi i elementevë interaktivë janë të qartë, të parashikueshëm dhe të qëndrueshëm, dhe - e gjithë përmbajtja në faqet e internetit dhe aplikacionet mobile duhet të jetë teknikisht e qëndrueshme dhe e interpretuar në mënyrë të besueshme nga programe të ndryshme përdoruesish, duke përfshirë teknologjitë ndihmëse, në mënyrë që të jetë e hapur, funksionale, e kuptueshme dhe e fuqishme. (2) Si përjashtim nga paragrafi (1) i këtij neni, shkollat, kopshtet dhe qendrat e zhvillimit të hershëm të fëmijërisë nuk janë të detyruara të përmbushin kërkesat e përgjithshme të paragrafit (1) të këtij neni, përveç kur ato janë të nevojshme për zbatimin e procesit edukativ. (3) Metoda e sigurimit të qasjes në faqet e internetit dhe aplikacionet mobile, si dhe kushtet e veçanta për qasje në e faqet e internetit dhe aplikacionet mobile të institucioneve të sektorit publik, përcaktohen nga ministri i Transformimit Digjital.
Deklarata e qasjes
Neni 6
(1) Institucioni i sektorit publik është i detyruar të përgatisë deklaratë të qasjes në faqen e tij të internetit dhe aplikacionin mobil dhe ta publikojë atë në faqen e tij të internetit, brenda dhjetë ditëve nga dita e lëshimit në përdorim të faqes së internetit dhe aplikacionit mobil. (2) Deklarata e përmendur në paragrafin (1) të këtij neni duhet të përditësohet të paktën një herë në vit brenda dhjetë ditëve nga dita e ndryshimeve të rëndësishme në faqen e internetit ose aplikacionin mobil që mund të ndikojnë në nivelin e qasjes, dhe duhet të jetë e qartë, e detajuar dhe gjithëpërfshirëse. (3) Deklarata e qasjes e përmendur në paragrafin (1) të këtij neni duhet të përmbajë: - shpjegim të pjesëve të faqes së internetit dhe aplikacionit mobil për përmbajtjen që nuk janë të arritshme, arsyet e paarritshmërisë dhe mundësinë e ofrimit të alternativave të arritshme të përshtatshme për llojin e kërkesave të përgjithshme të qasjes në faqet e internetit dhe aplikacionet mobile të përmendura në nenin 5 paragrafi (1) të këtij ligji që nuk plotësohen; - përshkrim dhe lidhje me faqet e internetit dhe aplikacionet mobile për përdoruesit për të dhënë reagime që i lejojnë çdo personi të njoftojë institucionin përkatës të sektorit publik për mosrespektimin e kushteve të përgjithshme të nenit 5 paragrafi (1) të këtij ligji, si dhe informacion mbi përmbajtjen që përjashtohet nga përputhshmëria me kushtet e përgjithshme të nenit 5, paragrafi (1) të këtij ligji mbi qasjen në faqet e internetit dhe aplikacionet mobile, për shkak të përjashtimit të nenit 3, paragrafi (3) të këtij ligji, si dhe ngarkesës joproporcionale sipas nenit 7 të këtij ligji; dhe - lidhje me faqen e internetit të Ministrisë së Transformimit Digjital, para së cilës mund të fillohet procedurë në rast se përdoruesi konsideron se faqet e internetit dhe/ose aplikacionet mobile të institucionit të sektorit publik nuk janë të arritshme në përputhje me këtë ligj. (4) Deklarata e qasjes në faqet e internetit dhe aplikacionet mobile duhet të jetë në format të arritshëm. (5) Forma dhe përmbajtja e deklaratës së qasjes të përmendura në paragrafin (1) të këtij neni përcaktohen nga ministri i Transformimit Digjital.
LIgj I qasjes në ueb faqet dhe aplikacionet mobile të institucioneve të sektorit publik - SHKARKO
Kontaktoni Ministria e drejtësisë
Kontaktoni Ministria e transformimit dixhital