Të nderuar,
Ju informojmë se Ministria e Drejtësisë në ueb faqen pravda.gov.mk i publikoi Procesverbalet e Komisionit për mbikëqyrjen e zbatimit të dispozitave të Rregullores gjyqësore dhe Mbikëqyrjen e zbatimit të dispozitave të Ligjit për menaxhimin e qarkullimit të lëndëve në gjykata për vitin 2024.
Mbikëqyrja nuk është vetëm një proces – është një hap për të siguruar drejtësi dhe transparencë në punën e gjyqësorit.
Nga këqyrja e kryer në gjykatat themelore dhe gjykatat e apelit, mund të konstatohet se:
- 1. Qarkullimi i lëndëve nëpër gjykata, në përputhje me ligjin, bëhet përmes AKMIS-it.
- 2. Ndarja dhe rindarja e lëndëve bëhet në mënyrë elektronike. Nuk janë vërejtur raste të ndarjes manuale të lëndëve.
- 3. Përjashtimi i gjyqtarëve bëhet sipas procedurës ligjore dhe në baza ligjore.
- 4. Për çdo përjashtim dhe përfshirje të gjyqtarëve nga AKMIS-i ekzistojnë vendime të arsyetuara për mungesë më të gjatë se pesë ditë.
Mbikëqyrja gjithashtu vërtetoi edhe një sërë dobësish për të cilat Ministria e Drejtësisë ka dorëzuar rekomandime, realizimi i të cilave do të monitorohet nga komisioni:
- Gjykatat po përballen me mungesë të gjyqtarëve dhe nëpunësve administrativ.
- Këshilli Gjyqësor duhet të bëjë zgjedhje urgjente të gjyqtarëve në mënyrë që të sigurohet që gjykatat të mbushen me gjyqtarë.
Në asnjë nga gjykatat e kontrolluara nuk është plotësuar numri i sistematizuar i pozicioneve të gjyqtarëve.
- Gjykatat po punojnë me mungesë të bashkëpunëtorëve profesional, informaticientëve dhe arkivistëve.
- Disa gjykata nuk kanë central telefonike dhe nuk janë siguruar uniforma për pjesëtarët e policisë gjyqësore. Nuk ka ashensorë dhe as qasje për personat me aftësi të kufizuara.
- Gjykatat nuk publikojnë rregullisht programet e punës, planet vjetore, oraret dhe aktet e tjera në faqet e tyre të internetit për të siguruar transparencë më të madhe të punës së gjykatës.
Janë propozuar masa për zgjidhjen e këtyre problemeve, ndërsa komisioni do të vazhdojë të monitorojë zbatimin e tyre.