Ministri i Drejtësisë Igor Filkov mori pjesë në Forumin Ministror dyditor BE-Ballkani Perëndimor për drejtësi dhe punë të brendshme, i cili mbahet në Budva.
Në forum u rikonfirmua përkushtimi i fortë rajonal dhe bashkëpunimi i ngushtë për drejtësinë dhe çështjet e brendshme.
Bashkimi Evropian dhe Ballkani Perëndimor diskutuan zhvillimet e fundit në dixhitalizimin e drejtësisë dhe shkëmbyen mendime mbi mundësitë dhe sfidat kryesore të potencialit për përdorimin e zgjidhjeve të ndërveprueshmedhe teknologjive të reja dixhitale, përfshirë inteligjencën artificiale. Bashkimi Evropian dha një përditësim mbi diskutimet e vazhdueshme në BE, duke përfshirë dhe përpjekjet për dixhitalizimin e sistemeve të drejtësisë dhe provave elektronike.
Të pranishmit u njoftuan edhe për Konventën Kornizë të Këshillit të Evropës për inteligjencën artificiale dhe të drejtat e njeriut, demokracinë dhe sundimin e ligjit.
Në ditën e dytë të forumit kushtuar drejtësisë, ministri IgorFilkov në fjalimin e tij trajtoi dy tema, “Drejtësia në epokën dixhitale” dhe “Bashkëpunimi ndërkufitar në çështjet penale ndërmjet partnerëve nga Ballkani Perëndimor”.
“Duke pasur parasysh rëndësinë e madhe që ka dixhitaliziminë shekullin e 21-të, është evidente se është e nevojshme të gjenden mënyra për vendosjen e e - drejtësisë, e cila para së gjithash do të mbështetet në mënyrë infrastrukturore, por edhe në funksion të realizimit të të drejtave të garantuara të njeriut dhe sundimin e ligjit. Prandaj, nevojiten përpjekje për të gjetur zgjidhje që do të korrespondojnë me zhvillimin e teknologjisë dixhitale vis a vis forcimit të sistemit të gjyqësorit.
Republika e Maqedonisë së Veriut i ka njohur sfidat dhe mundësitë që vijnë me transformimin dixhital, i cili pasqyrohet në Strategjinë Kombëtare për teknologjinë e informacionit dhe komunikimit 2023-2027. Në pjesën e drejtësisë, në kuadër të Ministrisë së Drejtësisë është hartuar Strategji për dixhitalizimin në gjyqësor për periudhën 2019-2024..
Sigurisht që në këtë tranzicion përballemi edhe me shumë sfida. Nevojiten investime shtesë në pajisje teknologjike dhe trajnime të stafit, gjë që kërkon padyshim mbështetje financiare dhe infrastrukturore. Gjithashtu është e nevojshme të sigurohet që siguria kibernetike të jetë në nivelin më të lartë, në mënyrë që të mbrohen të dhënat dhe të drejtat e të gjithë qytetarëve”, tha ministri Filkov.
Ministri i Drejtësisë Igor Filkov iu referua edhe bashkëpunimit ndërkufitar në çështjet penale. Theks i veçantë iu kushtua ndryshimeve ligjore për mbrojtjen e të drejtave të viktimave në rastet ndërkufitare, kompensimin e dëmeve si dhe bashkëpunimin e vendit tonë nëpërmjet Eurodrejtësi.
Në margjinat e Forumit Ministror dyditor BE-Ballkani Perëndimor për drejtësi dhe punë të brendshme, i cili u mbajt në Budva, Ministri i Drejtësisë Igor Filkov zhvilloi tri takime bilaterale me Komisionerin Evropian për Drejtësi, DidieRejnders dhe me ministrat e drejtësisë së Hungarisë, BenceTuzson dhe të Malit të Zi, Bojan Bozhoviq.
