Ministri i Drejtësisë, Jeton Shasivari, sot realizoi takim pune me kryetaren e Odës së Përmbaruesve, Vesna Delovska, ku u diskutua për sfidat aktuale në veprimtarinë e përmbarimit dhe mundësitë për përmirësimin e zgjidhjeve ligjore.
Oda e Përmbaruesve, e cila që nga viti 2006 ka bashkëpunim të vazhdueshëm me Ministrinë e Drejtësisë, prezantoi vërejtjet dhe propozimet e saj lidhur me ndryshimet dhe plotësimet e Ligjit për Përmbarim, si dhe gatishmërinë për të kontribuar në mënyrë aktive në punën e mëtejshme të grupit punues.
Ministria e Drejtësisë mbetet e përkushtuar ndaj procesit gjithëpërfshirës të reformave ligjore, në të cilin do të shqyrtohen të gjitha propozimet konstruktive, me qëllim krijimin e një sistemi më efikas, më transparent dhe më të drejtë të përmbarimit, në interes të qytetarëve, sigurisë juridike dhe sundimit të së drejtës.
