Është ratifikuar Konventa për marrëveshjet për zgjedhjen e gjykatës kompetente, sigurohet siguri më e madhe juridike për biznesin tej kufitar dhe klimë më të favorshme për tregtinë ndërkombëtare

Konventa për marrëveshjet  për zgjedhjen  e gjykatës kompetente, e miratuar  në kuadër të  Konferencës së Hagës për të Drejtën  private ndërkombëtare në Hagë, nga 30 qershor 2005 ka për qëllim  ta sigurojë efikasitetin për marrëveshjet për zgjedhjen e gjykatës (të njohura edhe si “klauzola për zgjedhjen e forumit” ose “klauzola për juridiksion”), ndërmjet  palëve në marrëdhëniet  tregtare ndërkombëtare. Kuvendi e ka miratuar  më 13 gusht 2024.

Me këtë palëve u garantohet  se kontesti  do të zgjidhet  në gjykatë të cilën ata e kanë zgjedhur me marrëveshjen për zgjedhje të gjykatës  dhe se po i njëjti aktgjykim  do të mund të njihet  dhe të ekzekutohet  në ndonjërin prej vendeve nënshkruese. Nga ana tjetër, shtetit i mundësohet të  realizojë   disa politika të veta publike,  në mënyrë që i garantohet respektimi i disa bazave  për kompetencën ekskluzivisht të tij për disa çështje të caktuara.

Konventa paraqet instrument  e cila do të  sigurojë  siguri më të madhe juridike  për biznesin tej kufitar dhe krijimin  e klimës më të favorshme  për tregti ndërkombëtare dhe investime.

Konventa është detyrim edhe nga raportet e Komisionit Evropian  për avancimin e Republikës së Maqedonisë së Veriut, si dhe takimet vjetore  të Nën komitetit për Drejtësisë dhe Punë të Brendshme ndërmjet Republikës së Maqedonisë së Veriut dhe Bashkimit Evropian.