Në tryezën e sotme të rrumbullakët kushtuar qeverisjes së mirë dhe sundimit të ligjit, Ministri i Drejtësisë, Igor Filkov, theksoi rolin kyç të gjyqësorit administrativ si garant i ligjshmërisë, sigurisë juridike dhe mbrojtjes së të drejtave të qytetarëve.
Në fjalimin e tij, ai theksoi se numri i konsiderueshëm i kontesteve administrative që përfundojnë në favor të qytetarëve tregon nevojën për përmirësimin e vendimmarrjes administrative që në fazën fillestare. Kontestet e panevojshme nënkuptojnë humbje kohe, shpenzime shtesë dhe ulje të besimit në institucione.
Si një nga përgjigjet kryesore ndaj këtyre sfidave u theksua digjitalizimi.
Përmes platformës EPUS mundësohet menaxhimi plotësisht elektronik i lëndëve administrative-gjyqësore, gjë që do të kontribuojë në procedura më të shpejta, transparencë më të madhe dhe zbatim më efikas të vendimeve gjyqësore.
Ministria e Drejtësisë mbetet e përkushtuar në avancimin e sistemit gjyqësor përmes reformave të harmonizuara me standardet evropiane, me një qëllim të qartë – gjyqësor efikas, transparent dhe modern që do të forcojë besimin e qytetarëve dhe do të kontribuojë në sundimin e mirëfilltë të ligjit.
