Ministri i Drejtësisë Igor Filkov realizoi takim pune me Kryetarin e Komisionit Shtetëror për Parandalimin e Korrupsionit, Adem Çuçul, ku u bisedua për reformat në legjislacionin zgjedhor

Theksi posaçëm u vu  në rolin e KSHPK-së për avancimin e transparencës dhe integritetit të procesit zgjedhor. Komisioni do të përgatisë propozime dhe sugjerime konkrete,  të cilat do t`i dorëzohen grupit të punës përgjegjës për përgatitjen e reformave në legjislacionin zgjedhor.
Takimi është pjesë e një  procesi më të gjerë të konsultimeve dhe bashkëpunimit me institucionet dhe  organizatat relevante, mes të cilave është edhe Komisioni Shtetëror i Zgjedhjeve, Agjencia për Shërbime Mediatike Audio dhe Audiovizuale, si dhe sektori civil. Përmes qasjes dhe partneritetit inklusiv, vazhdojnë përpjekjet për ndërtimin e një sistemi zgjedhor të drejtë, transparent dhe demokratik.